Birga yashash uchun mos xonadosh toping
SherikMan odatlaringizni solishtirib, har bir odam bilan moslik foizini ko'rsatadi. Uyqu, tozalik, chekish, budjet va hudud bo'yicha oldindan bilasiz, keyin yozishasiz.
Bepul · Anketa 2 daqiqa · Kontakt faqat o'zaro rozilikdan keyin
Qanday ishlaydi
Hammasi Telegram ichida. Alohida ilova yuklab olish shart emas.
Anketani to'ldiring
Budjet, tumanlar, ko'chish vaqti va kundalik odatlaringiz. 2 daqiqa vaqt oladi.
Moslarni ko'ring
Har bir odam bilan moslik foizi, qaysi jihatda mos va nimani oldindan gaplashib olish kerakligi.
Taklif yuboring
Ikkalangiz ham sherik bo'lishga rozi bo'lsangiz, Telegram kontakt ochiladi. Uyni birga ko'rishga kelishasiz.
Nega SherikMan
E'lonlar guruhida tasodifiy odamni emas, siz bilan yashay oladigan odamni topasiz.
Moslik foizi
10 omil bo'yicha hisoblanadi. Muhim farqlar (masalan, chekish) alohida ko'rsatiladi.
Bo'sh joy e'lonlari
Xonasi bor odamlar e'lon beradi: rasm, narx, tuman va qulayliklar. Narx va moslik bo'yicha saralanadi.
Kontakt himoyalangan
Telegram username faqat ikki tomon rozi bo'lgandan keyin ochiladi. Spam va keraksiz xabarlar yo'q.
Tasdiqlangan profillar
Talabalik guvohnomasi yoki ish joyi tekshirilgan odamlar ko'k belgi bilan ajralib turadi.
Faqat bir jinsdagilar
Lentada faqat o'z jinsingizdagi odamlar ko'rinadi.
Shikoyat va bloklash
Shubhali profilni bir tugma bilan shikoyat qilasiz, moderator tekshirib bloklaydi.
Xavfsiz ijara uchun qoidalar
Firibgarlik ko'pincha oldindan to'lovdan boshlanadi. Shu qoidalarga amal qiling.
🏠 Uyni ko'rmasdan pul o'tkazmang
Avans faqat uyni o'z ko'zingiz bilan ko'rib, egasi bilan tanishgandan keyin.
📄 Yozma shartnoma tuzing
Uy egasining hujjatlarini tekshiring, to'lov va muddatni yozib qo'ying.
☕ Birinchi uchrashuv jamoat joyida
Uyni ko'rishga do'stingiz bilan boring yoki manzilni yaqinlaringizga ayting.
💬 Kelishuvlarni oldindan yozing
Kommunal to'lov, tozalik navbati va mehmonlar haqida boshida kelishib oling.
Ko'p beriladigan savollar
Javob topmasangiz, botga yozing.
SherikMan pullikmi?
Yo'q. Anketa to'ldirish, moslarni ko'rish, taklif yuborish va e'lon berish bepul.
Moslik foizi qanday hisoblanadi?
Anketadagi javoblaringiz 10 omil bo'yicha solishtiriladi: chekish, tozalik, budjet, uyqu tartibi, mehmonlar, shovqin, hudud, uy hayvonlari, ovqat va umumiy jihatlar (viloyat, OTM, til, qiziqishlar). Chekish yoki uy hayvoni bo'yicha kelishib bo'lmaydigan farq bo'lsa, foiz 60 dan oshmaydi.
Telegram kontaktim hammaga ko'rinadimi?
Yo'q. Kontaktingiz faqat siz va boshqa odam bir-biringizga sherik bo'lish taklifini qabul qilgandan keyin ochiladi.
Kimlarni ko'raman?
Faqat o'z jinsingizdagi odamlarni. Birga yashash uchun sherik qidirishda bu qoida xavfsizroq.
Xonam bor, sherik qidiryapman. Nima qilay?
Anketada «Xonam bor» ni tanlang va bo'sh joy e'lonini bering: rasm, narx va tuman. E'loningiz sizga mos odamlarga ko'rsatiladi.
Profilni qanday tasdiqlayman?
Botga /verify yozing va talabalik guvohnomasi yoki ish joyidan hujjat rasmini yuboring. Hujjat raqami, JShShIR va yuz rasmini yopib yuborishingiz mumkin. Rasmni faqat moderator ko'radi.
Hisobimni qanday o'chiraman?
Mini App'da Profil bo'limidagi «Hisobni o'chirish» tugmasini bosing. Anketa, e'lonlar, rasmlar va takliflar darhol o'chiriladi.
Mos xonadoshingiz shu yerda bo'lishi mumkin
Anketani to'ldiring va bugunoq birinchi moslarni ko'ring.
Telegramda boshlash